Балалар иҗаты үзәгендә ачык ишекләр көне узды

Актлар залы тулы иде. Тамашачылар арасында укучылар гына түгел, аларның әти-әниләре дә бар иде. Өлкәннәр үз балаларының сәләтләрен кайда һәм ничек үстерергә, укудан буш вакытта укучыларга нинди шөгыль сайларга ярдәм итәргә мөмкин булуы турында белү өчен үзәк белән таныштылар. Барлык кунакларны үз чыгышлары белән Альбина Әхмәдишина җитәкчелегендәге "Сөембикә" бию ансамбле артистлары куандырды. Өстәмә белем бирү педагоглары уеннар һәм конкурслар уздырды, әти-әниләрнең сорауларына җавап бирде.