Җәмгыять
Атна эчендә районда ике юл-транспорт вакыйгасы булган – бер балага зыян килгән
Бер атна эчендә, 12 августтан алып 19 августка кадәр район янгын часте пультына ике хәбәр кергән.
Аларның икесе дә юл-транспорт вакыйгасы белән бәйле булган. 12 август төнендә Ютазы - Азнакай автоюлында, тимер юл аркылы чыккач, "Chery" автомобилен йөртүче тагылмасына печән төягән УАЗ машинасына килеп бәрелгән. Авариядә гаепле кеше һәм аның пассажиры тән яралары алган. 17 август иртәсендә Әбсәләм авылы янында ВАЗ-21014 автомобиле шоферы да машинасы белән идарә итә алмаган. Транспорт әйләнү сәбәпле, бер балага зыян килгән.
Следите за самым важным и интересным в Telegram-каналеТатмедиа
Нет комментариев