Ютазы таңы

Ютазы районы

18+
Рус Тат
2024 - год Семьи
Җәмгыять

Бүген район үзәгендә тагын бер кибет ачылды

Урыссу урамында урнашкан әлеге кибетне район кулланучылар җәмгыяте ачты.

Аны ачуда район башлыгы вазифаларын башкаручы Р. Нуриев, кулланучылар җәмгыяте рәисе Р. Гайнетдинов, Ютазы авылы имам-хатибы Фатыйх хәзрәт Зәйнуллин, Урыссу бистәсендә яшәүчеләр катнашты. Р. Гайнетдинов әйтүенчә, әлеге кибеттә халык өчен кирәк булган бар әйбер дә: хәләл ит, сөт продуктлары, бал, кыскасы, үзебезнең районда җитештерелгән тауарлар сатылачак. Рәис билгеләп узганча, хаклар да һәркем өчен үтемле булачак. Тагын берничә көннән кибеттә хатын-кызлар өчен тагын бер бүлек ачылуы көтелә. Ә район башлыгы вазифаларын башкаручы Р. Нуриев үз чыгышында район үзәгендә бер-берсенә конкурентлы кибетләр ачу һәм анда сыйфатлы тауарлар кайтару күптәннән планлаштырылган фикер дип белдерде. "Бу кибеттә авыл хуҗалыгы тауарларының киң ассортименты булачак һәм безгә күрше республикага азык-төлек артыннан барырга кирәк булмаячак", - диде ул.

Кызыл тасманы кискәнче, Фатыйх хәзрәт әлеге кибетнең изге Ураза алдыннан ачылуын хуплап дога укыды һәм җитәкчеләргә рәхмәт сүзләре җиткерде.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X