Дим-Тамак авыл җирлегендә халык җыены узды

Авыл бүген тулы канлы тормыш белән яши. Җирлектә "Уңыш" хуҗалыгы уңышлы гына эшләп килә. Шул нисбәттән авыл халкы пайщиклар исеменнән хуҗалык җитәкчесе Аяз Шәфигуллинга рәхмәт сүзләре җиткерделәр. Авылда юллар вакытында ачылып тора, республика программасы нигезендә мәктәп террториясендә спорт площадкасы төзелгән. Бүген Алабакүл, Екатериновка, Дим-Тамак авылларына өстәмә лампалар урнаштыру таләп ителсә, Екатериновкалыларга газ кертү эше дәвам итә.