Идарә оешмалары, хезмәтләр җитәкчеләре һәм урамнар буенча җаваплылар бистәне төзекләндерүе турында киңәләштеләр

Район башлыгы Рөстәм Нуриев мондый фикер алышуларның әһәмиятен ассызыклады, чөнки алар торак-коммуналь хуҗалык һәм төзекләндерү мәсьәләләрен конструктив хәл итәргә булыша. Чүп темасы, кызганыч, Урыссу бистәсендә һаман актуаль булып кала бирә. Киңәшмә барышында сүз чүп капчыкларын йортлар янына өеп кую гадәтен алган кешеләр белән көрәшне активлаштыру турында барды. Тоткарланучылар һәм видеокамерага эләгүчеләр мөнәсәбәтендә административ җавап ысуллары тагын да катгыйланачак. Район башлыгы административ комиссия игътибарын закончалык бозу, аерым алганда, төнге вакытта Урыссудагы кайбер сәүдә нокталарында спиртлы эчемлекләр сату очракларын кисәтүгә юнәлтте. Тирәкләр, тирәкләр… Район торак пунктларында карт агачларны кисү планының арттырып үтәлүенә карамастан (район үзәгендә генә ел саен 100 агач кисү планы булганда, агымдагы елда 108 тупыл киселгән), әлеге проблеманы йорт буенча җаваплылар әле һаман күтәреп чыга. Нуриев төзекләндерү буенча предприятиенең эшне дәвам итүен билгеләп үтте, әмма тупылның кислородны мул эшләп чыгаруын онытырга ярамый. Шуңа күрә, дип билгеләп үтте ул, нык агачларны тамырларыннан кисәргә кирәкми, ботакларын яңарту максатында кәүсәләрен генә алу зарур.

Киңәшмәдә әйтүләре буенча, район юлларын ремонтлауга һәм төзүгә, узып баручы елда, региональ әһәмияттәге юлларны исәпкә алмыйча, 65 миллион сум акча сарыф ителгән. Йорт яны территорияләрен ремонтлау тәмамлануга якынлаша. Юл фонды акчасы хисабына гына 16 йорт яны территориясе ремонтланган, мәктәп автобусларының борылу мәйданчыклары төзелгән, юлларның аерым кисемтәләре яңартылган, бу Октябрьский, Яр, Шәрипов, Киров, Урыссу урамнарына кагыла… Моннан тыш, юл чокырларын ремонтлау, «Асфальтка асфальт» программасы (таушалган катлауларны тергезү ысулы) һәм юлларны вак таш белән каплау кысаларында аз эш башкарылмаган.

Урыссу бистәсенең архитектур йөзенә бәхәссез күркәмлекне яңартылган мемориаль комплекс өсти. Мемориалны чүп-чар белән ямьсезләмәс өчен биредә чүкеп ясалган тимердән ихата кую күздә тотыла. Капка урнаштыру да планда каралган. Димәк, диелде киңәшмәдә, эчтән үтеп-сүтеп йөрү мөмкин булмаячак. Чарада тормыш эшчәнлегенең башка мәсьәләләре дә каралды.