Ике ел эчендә район хастаханәсе штаты сизелерлек арткан

Даими эшкә тугыз, ике эшне бергә алып бару шарты белән җиде табиб, медицина буенча булмаса да, югары белемле ике белгеч кабул ителгән. Коллективны яңа табиблар белән тулыландыру яшь белгечләрне хуплаучы республика программасы һәм аларны торак белән тәэмин итүдә район җитәкчелеге ярдәме бәрабәренә мөмкин булган. Якын чит илләрдән килгән белгечләрнең диплом һәм сертификатлары Россия Федерациясенең Сәламәтлек саклау министрлыгында, шулай ук Россия сәламәтлек күзәтчелегендә тулы тикшерү үткән һәм расланган. Шушы ук табиблар Казан дәүләт медицина академиясендә Россия Федерациясе таләпләренә туры китереп имтихан да тотканнар.