Иске Урыссу мәктәбенең укучылары “Мин татарча сөйләшәм” бәйге-акциясендә катнашты

Без, укучылар белән берлектә, районыбызның үзәге булып торган Урыссу бистәсендәге оешма, халыкка хезмәт күрсәтү объектларында урнаштырылган элмә такталарны күзәтеп, анда булган хаталарны табып фотога төшердек. Әлеге бина хуҗаларына, хезмәт күрсәтүчеләргә булган хаталарны аңлаттык. Күзәтү барышында күп урыннарда элмә такталарның ике телдә булмавы да ачыкланды. Чараның максаты - укучыларны үз телләренә карата игътибарлы булырга, аны хөрмәт итәргә чакыру. Без үз чиратыбызда максатыбызга ирештек дип уйлыйбыз. Киләчәктә әлеге бина хуҗалары безнең киңәшләргә колак салып, элмә тактадагы язуларны төзәтерләр дигән теләк белән өйләргә таралыштык.