Кече Урыссу авылы мәдәният йортында Әфганстаннан совет гаскәрләрен чыгаруның 26 еллыгына чара узды

"Дан сиңа, совет солдаты!" дип аталган чарага җирлекнең сугышчы-интернационалистлары җыйналды. Авыл мәдәният йорты мөдире Мөнирә Хәнипова сүзләре буенча, Әфганстан территориясендә хәрби низагны җайга салуда катнашуның ерак көннәрен хәтергә алганда, алар хуш исле пылаудан авыз иткән һәм сый-нигъмәтле чәй өстәле артында җирле артистлар оештырган концерт программасын тамаша кылган. Ташкичү авыл җирлеге башлыгы Рамил Валеев дистә еллар элек сугышчан һәм гражданлык бурычларын үтәгән авылдашларына яхшы теләкләрен җиткерде.