Кече Урыссу авылында ветераннарга медальләр тапшырдылар

Медальләрне чакырылган кунакларга Ташкичү авыл җирлеге башлыгы Рамиль Вәлиев һәм җирле ветераннар оешмасы рәисе Гөлсинә Шакирҗанова тапшырдылар. Чара кунаклары өчен сый-нигъмәтләр белән тулы өстәл һәм авыл мәдәният йорты үзешчәннәре һәм мәктәп укучылары тарафыннан бәйрәм концерты әзерләнгән иде. Чарага килә алмаган ветераннар һәм тыл ветераннарына медальләрне өйләрендә тапшырачаклар.