Кирәкле мәгълүмат алачаклар

Үткәрелгән чара кысаларында барлык теләүчеләрнең 2012 елгы декларация кампаниясе турында тулы мәгълүмат һәм физик затлар керемнәренә салымга декларацияне тутыру буенча гамәли киңәшләр алу мөмкинлеге булачак. Федераль салым хезмәтенең районара инспекциясе белгечләре телдән консультацияләрдә онлайн-сервислар турында тулы мәгълүмат бирәчәк, шулай ук гражданнарның сорауларына җавап бирәчәк. Кирәкле мәгълүмат һәм документларның булуы очрагында монда шулай ук физик затларның керемнәренә салым буенча салым декларациясен биреп була.