“Куркынычсыз көпчәк” конкурсының район этабы үтте

Конкурс республика юл хәрәкәте куркынычсызлыгы фәнни һәм белем бирү программаларын финаслау дирекциясе филиалы, ЮХИДИ бүлеге һәм район мәгариф бүлеге тарафыннан уздырылды. Анда районның унөч мәктәбенең урта сыйныфлары укучылары катнашты. Командалар велосипедта каршылыклар полосасын үттеләр, юл хәрәкәте кагыйдәләре һәм беренче медицина ярдәме күрсәтү буенча сорауларга җавап бирделәр, үзләренең агитацион программаларын тәкъдим иттеләр. Урыссудагы 3 санлы мәктәп укучылары әлеге конкурста җиңү яулады. Иң яхшы команда буларак, алар Чаллыда узачак конкурста чыгыш ясаячак.