Люция Минһаҗева ютазылыларны районда чисталык саклауга чакыра

Әмма бу без яши торган Ютазыны кычыткан баскан икән дигән сүз түгел. Авыл урамнарын алабутадан, көнкүреш чүбеннән арындырып тору буенча җирлектә шактый эш башкарыла. Махсус чүп җыю машиналарының да даими йөрүе халыкны әкренләп тәртипкә өйрәтте - теләсә кая чүп ташлау гадәте бетеп бара. Кыскасы, Казан шәһәреннән берничә чакрым гына ераклыкта урнашкан Питрәч якларында булып, андагы чүп-чарга баткан урамнарны, ихата буйларын, алабутаның бөтен төрен үзенә сыйдырган кырларны күреп, шаккатып кайтканнан соң, безнең Ютазы авылы гына түгел, гомумән районыбызның нурлы, ямьле булуына тагын бер кат инанасың. Шуңа күрә төзек йорт-җирләребезнең, чиста урамнарыбызның, ә иң мөһиме, мул икмәкле басуларыбызның кадерен белеп яшик.