Район башлыгы Урыссу хастаханәсе хезмәткәрләре белән очрашты

Ренат Фатыйховның баш табиб вазифасына килүе белән хастаханә эше сизелерлек яхшырды, әмма әле тулысынча канәгатьләнерлек дип әйтеп булмый. Район башлыгы "ашыгыч ярдәм" хезмәткәрләренә халыкка ихтирамсыз мөнәсәбәт өчен җитди шелтә белдерде. Шулай ук ул бүлмәләрне косметик ремонтлау уздыру мөһимлегенә игътибар юнәлтте, бюджеттан тыш дүрт миллион сум табыш алган хастаханә моны гына эшли ала. Әмма иң мөһиме - хастаханәдә тәрәзәләр алыштыру таләп ителә, ул якындагы ике елда башкарылырга тиеш. Кадрлар мәсьәләсен хәл итү өчен районга яшьләрне кайтару мәҗбүри, дип билгеләп үтте Нуриев. Укуларын максатлы юнәлештә тәмамлаучы медикларга район җитәкчелеге хезмәт торагы белән тәэмин итүне гарантияли.