Район җитәкчелеге авыл хезмәтчәннәренең эш хакын 20 мең сумга кадәр җиткерергә планлаштыра

Бу турыда агросәнәгать комплексы үсешенең перспектив планы белән таныштырган авыл хуҗалыгы идарәсе начальнигы Марсель Зарипов бүлекләр һәм хезмәтләр җитәкчеләренең атна саен үткәрелгән киңәшмәсендә билгеләп узды. Шул ук вакытта район башлыгы Рөстәм Нуриев моның да чик булырга тиеш түгеллеген әйтеп үтте. Соңгы вакытта район авыл хуҗалыгы коллективлары тарафыннан техника күп сатып алына, бу аларның алгарышлы үсеше турында сөйли. Әйтик, "Кәрәкәшле" генә дә 27 миллион сумлык техника сатып алуны планлаштыра. Киңәшмә барышында район тормыш эшчәнлегенең башка сораулары да тикшерелде, юлларны ремонтлауга аерым басым ясалды.