Район советында Татарстан Республикасы буенча РФ тикшерү комитеты җитәкчесе Азат Сәеткулов гражданнарны кабул итте

Күтәрелгән сорауларның берсендә Урыссуда яшәүче бер хатын-кыз фатирыннан акча югалу белән бәйле эшнең артык озакка сузылуы хәбәр ителде. Икенче сорау төрмәдән әйләнеп кайткан затларны эшкә урнаштыру белән бәйле сораулар өстендә эшләүче хезмәт вәкилләренә куркыныч янавына кагылды, чөнки аларны күпчелеге төрле йогышлы чирләргә дучар. Сәеткулов сүзләренә караганда, туберкулез белән авыручылар дәваланырга, ә алар белән эшләргә мәҗбүр булган шәхесләр вакцинацияләнергә тиеш.