Район ветеринария тармагы хезмәткәрләре һөнәри бәйрәмнәрен билгеләделәр

Кече Урыссу авылы мәдәният йортына җыелган мал табибларын, тармак ветераннарын календарьда күптән түгел генә барлыкка килгән Ветеринария тармагы хезмәткәрләре көне белән район башлыгы Рөстәм Нуриев, район дәүләт ветеринария берлеге начальнигы Илфирт Хәйретдинов, авыл хуҗалыгы һәм азык-төлек идарәсенең җитештерү маркетингы бүлеге консультанты Марсель Зарипов тәбрик итте. Докторлар хөрмәтенә бу көнне район мәдәният йорты артистлары үзләренең иң матур чыгышларын бүләк итте.