Районда кыш башланганнан соң 41 юл-транспорт вакыйгасы теркәлгән

Бүлек начальнигы майор Эдуард Фәйзерахманов билгеләп үтүенчә, юл хәрәкәте куркынычсызлыгын техник тәэмин итү мәсьәләләрендә аерым игътибар автомобиль шиннарына юнәлтелә. Килеп чыккан юл-транспорт вакыйгаларының төп факторы булып шиннарның төре һәм торышының кышкы юл шартларына туры килмәве торган. Карлы-бозлы юлда эшче покрышкалардан башка автомобиль белән идарә итү мөмким түгел! Бу турыда юл кыркынычсызлыгы хезмәткәрләре автомобильчеләрне туктаусыз кисәтә. Әмма, ялкаулык һәм җавапсызлык һәрвакыт үз корбаннарын таба.