Районда көзге ярминкәләр башланып китте

Ярминкәнең төп хуҗасы - район кулланучылар берлеге бу көнне халыкка көзге байлык - җиләк-җимеш, яшелчә, ашлык, фураж гына тәкъдим итеп калмады, ул үзенең автолавкаларыннан ит һәм башка төрле көндәлек продукция белән дә сату итте. Икенче көнне сәүдәгәрләр коллективы Казанның Вахитов районында, республика ярминкәсендә катнашып кайтты. Башкала халкына юнь бәядән бәрәңге, суган, кәбестә, хәтта шикәр комы да юнәтү мөмкинлеге тудырган район кулланучылар берлеге ярминкәләрдән йөз меңгә якын керем белән әйләнеп кайтты, дип хәбәр иттеләр коллективта.