Районда “Үз мәктәбеңә ярдәм ит!” акциясе дәвам итә

Кәрәкәшле мәктәбенә элеккеге чыгарылыш укучысы Рәсимә Зарипова ремонт өчен буяулар алып бирсә, шәхси эшмәкәр Гөлназ Фәрукшина хуҗалык арбасы сатып алган. "Татэнергосбыт" ААҖның район бүлеге начальнигы Таһир Хөснуллин Урыссу гимназиясенең спорт залын ремонтлауга 5 мең сумлык буяу юнәткән. Урыссу электр-механика заводының гади эшчесе Айрат Килдияров исә үзе белем алган Каразирек мәктәбенә 7 мең сумга фотоаппарат бүләк иткән.