Урыссу бистәсен карт тирәкләрдән арындыру буенча эш башланды

Агымдагы атнада, "Төзекләндерү" МУП директоры Хәмзә Шәрифуллин мәгълүматлары буенча, алар предприятие эшчеләре унга якын агачны кисәргә тиеш. Әлеге эш һәр көнне уздырылачак. Үз гасырларын яшәгән карт агачларның иң күп саны Сирин урамында һәм Пушкин урамы буенча 105 санлы йорт янындагы балалар мәйданчыгында үсә. Тегендә дә, монда да алар өч дистәгә якын. Карт агачлар авыл җирлекләрендә дә киселәчәк. Узган елда 118 агач киселгән иде, быел тагын йөзеннән арыну күздә тотыла.