Урыссу гимназиясендә татар театрына багышланган “Могҗизалар кыры” узды

Чараны татар теле һәм әдәбияты укытучылары Ахунова В.С һәм Хакимова Ф.Ф. әзерләде. Чарада катнашкан 6-8 нче сыйныф укучылары театр тормышы чагылган материаллар белән бизәлгән залда көч сынаштылар.

Сайлап алу турының сорауларына җавап биргән өч өчлек театр дөньясына сәяхәт итте. Алар театрның тарихына, җитәкчеләренә, артистларына, сәхнәләрдә куелган әсәрләргә багышланган катлаулы сорауларга җавап эзләделәр.

Уенның төп җиңүчесе булып, 7 нче сыйныф укучысы Идрисова Әдилә билгеләнде. Ул Гөлдания Нурлыгаян кызы тарафыннан бирелгән бүләккә лаек булды.