Урыссуда диодлы ут светильниклары урнаштыралар

Бүгенге көнгә 68 светильник куелган инде. "Урыссу төзекләндерү һәм яшелләндерү предприятиесе" директоры Ф. Камаев сүзләре буенча, әлеге төр светильниклар Урыссу, Ленин, Муса Җәлил һәм Болын урамнарында урнаштырылган. Алдагы перспективада чараны бистә буенча тулысы белән үткәрү күздә тотыла, бу үз чиратында утка тотыла торган түләүләрне киметергә һәм энергоэффективлыкка ирешергә ярдәм итәчәк, ди Феликс Фирдәвес улы. Диодлы ут светильникларын авыл җирлекләрендә урнаштыру да күздә тотыла.