Урыссудагы 1 санлы балалар бакчасында Белем көнен үткәргәннәр

Бу яшьтәге балалар әлеге көннең нинди көн булуын аңлап җиткермәүләренә дә карамастан, педагоглар ул күңелле узсын дип тырышкан. Балалар бакчасында иртәннән бирле бәйрәм мохиты хөкем сөрде. Музыка залы төсле шарлар һәм мәктәп турында рәсемнәр белән бизәлгән иде. Балалар янына бәйрәмгә шук әкият персонажлары килде. Балалар бердәм җырлар башкарды һәм уеннар уйнады. Ахырда Белмәмеш аларга бүләкләр тапшырды.