Язмыш аларны пар канатлы иткән

Чара ярты гасыр бергә тормыш итүче Мәкбүлә һәм Ленар Габидуллиннарга, Мөслимә һәм Илдус Галимовларга, Алинә һәм Фазыйл Ямаевларга, Бүләк һәм Мәүзир Гыймаевларга багышланды. Алар бөтен гомерләрен авыл хуҗалыгына, балаларга аң-белем бирүгә багышлаган шәхесләр. Тантана сәбәпчеләрен хуҗалык, мәктәп вәкилләре, туганнары, якыннары котлады. Авылның үзешчән артистлары башкаруындагы җыр һәм биюләр дә юбилярларга бүләк булып барып иреште, дип хәбәр итте җирлек башлыгы Рәмзия Дәүләтханова.