Ютазы авылы янгын хезмәте профилактик эш белән йортлар буенча йөрде

Профилактик чара торак секторда янгынга каршы шартларны тотрыкландыруга юнәлтелгән. Республиканың янгынга каршы хезмәте Әлмәт отрядының Ютазы авылындагы сак буенча аерым посты хезмәткәрләре мичләрне һәм көнкүреш приборларын эксплуатацияләгәндә янгын куркынычсызлыгы таләпләре буенча халык белән аңлату әңгәмәсе алып барды. Авыл халкына шулай ук коры үлән һәм чүп-чар яндыру тыелуы, йорт яны участогында сулы запас резервуар булдыру мөһимлеге турында искәрттеләр. Әңгәмә ахырында аларга белешмәлекләр тапшырылды.