Ютазы авылында яшәүче Бибиәсма Шәйхелисламованы 90 яшьлек юбилее белән Президент котлады

Үзенең шәхси бәйрәмендә ул Россия Федерациясе Президентыннан адреслы хат алды, ә район башкарма комитеты җитәкчесенең социаль мәсьәләләр буенча урынбасары Илдар Хаҗиев юбилярга бүләк тапшырды һәм сәламәтлек теләде. Элекке хезмәттәшләрен юбилей белән котларга шулай ук Ютазы районы кулланучылар берләшмәсе рәисе Радик Гайнетдинов һәм аның урынбасары Илгиз Вәлиуллин килделәр. Ветеран өчен тантаналы көндә аның янында социаль яклау бүлеге начальнигы Кәшиф Вәлиев, Ютазы авыл җирлеге башлыгы Рәмзия Хәкимова, башлангыч ветераннар оешмасы рәисе Фәния Әхмәтшина булдылар.