Ютазы мәктәбендә тәмамлаучыларның традицион очрашуы узды

Барысы да күп еллар дәвамында күрешмәгән сыйныфташлары һәм укытучылары белән очрашуны түземсезлек белән көтте. Вакыт бер урында тормый, элекке сыйныфташлар да төрле авылларга һәм шәһәрләргә таралышкан. Әмма бу көнне барысы да бәхетле балалык чорлары һәм яшүсмер чаклары узган туган авылларына кайтырга омтыла. Ютазы мәктәбен тәмамлаучылар өчен җырлы-биюле бәйрәм концерты оештырылган иде. Катнашучылар фикере буенча, чара аларның хәтерендә озак сакланачак.