Ютазы пенсионерлары шахмат буенча ярышларда катнашты

Бүлекчә рәисе Валентина Воробьева сүзләре буенча, башта бүлекчәнең 15 әгъзасы үзебездә районда - "Олимп" спорт-сәламәтләндерү комплексында сайлап алу турын үткәннәр. Аннары финалга чыккан биш кеше Әлмәткә барган. Ярышлар җанлы, конструктив рухта узган. Аеруча балалар - пенсионерларның оныклары һәм оныкчыклары катнашуы сокландырган, бу буыннар бәйләнешенең нык булуын тагын бер тапкыр раслаган. Ә инде сигез яшьлек Әлмәт таланты барлык җыелучыларны үзенең оста уены белән таң калдырган: ул барлык катнашучыларны откан. Ютазы командасы - дипломга, һәр катнашучы бүләккә лаек булган.