Ютазы ветераннары һәм тыл хезмәтчәннәре тагын бер күңелле вакыйга кичерәләр

Район башкарма комитеты җитәкчесе урынбасары Әдис Габдрахманов һәм район ветераннар советы рәисе урынбасары Вячеслав Сибәгатов күптән түгел республика президенты Рөстәм Миңнехановның үзе кулларыннан юбилей медале кабул итеп алган Хөснулла Галимулла улы Галимуллинны котладылар. Бүләктән тыш, котлаучылар аңа үзе өчен истәлекле көн уңаеннан төшерелгән фотосурәтләрен тапшырдылар. Шулай ук бу көнне алар Бөек Ватан сугышы ветераны Әхмәтгәрәй Дәүләт улы Гәрәев янында булды. Ветеран котлаучылардан медаль һәм бүләкләрне рәхмәт хисләре белән кабул итеп алды.