Ютазы ветераннарына юбилей медальләрен тапшыру дәвам итә

Лаек булганнарның күпчелеге инде үз медальләрен кабул итеп алды. Күптән түгел район җитәкчелеге исеменнән медальләр тапшыру хөрмәтенә финанс-бюджет палатасы рәисе Салават Мөхәммәтов лаек булды. Ветераннарны якынлашып килүче җиңү көне белән котлаганнан һәм аларга сәламәтлек, иминлек теләгәннән соң, ул республика президенты бүләген - бәйрәм азык-төлек пакетларын тапшырды һәм юбилей медальләрен такты. Өлкән яшьтәге якташларына җылы теләкләрне социаль яклау бүлеге вәкиле һәм район ветераннар советы әгъзасы Алла Федорова җиткерде.