Ютазылыларга начар күрүче күзләр чаңгыга басарга киртә түгел

Ярышлар Сочидагы XXII кышкы Олимпиа уеннарына багышланган. Ютазы районы абруен Геннадий Гребенюк, Таһир Сәйфуллин, Әлфирә Камалетдинова яклаган. Спортчылары Раиса Тихонова тәрбияли.

Хатын-кызлар - өч, ир-егетләр биш чакрым арада ярышканнар. Шәхси зачетта Әлфирә Камалетдинова өченче булган. Икенче көнне эстафета үткәрелгән, монда да безнең команда өченче урынга чыккан. Ярышта катнашучыларга кубоклар, грамоталар һәм акчалата премияләр тапшырылган.