Ютазылыларны кыш кыен хәлдә калдырмас

Әлеге юнәлештәге эш район башкарма комитеты каршында эшләүче штаб контролендә алып барыла. Әйтик, хәзерге вакытта идарә оешмалары гамәлдә эшермәләр һәм вентильләрне тикшерү, чарлак һәм подъезд тәрәзәләрен пыялалау һәм ремонтлау, торба үткәргечләргә җылылык изоляциясе буенча эшләрне тәмамлаган. Өлешчә торбалар алыштырылган, җылыту, кайнар һәм салкын су белән тәэмин итү системалары ремонтланган. Инфраструктура үсеше бүлегендә хәбәр итүләренчә, мәгариф, сәламәтлек саклау һәм мәдәният учреждениеләре буенча, кышка әзерлек йөз процент. Урыссу ГРЭСы көзге кышкы чорда эшкә әзерлек буенча бурычларны тормышка ашыру кысаларында резерв ягулык запасы булдырган. "Уруссу-Водоканал" ҖЧҖ кышкы шартларда эшләргә әзерләнә: 28 августка суүткәргеч-канализацион хуҗалык объектлар әзерлеге 80 процент тәшкил итә.