беренче туй, шулай ук, республикада да

Туй көнендә Раушан Фәттахов һәм Гүзәл Хәйдәрова көтелгән беренче санлы таныклыкны алдылар. Елның беренче пары, әлеге истәлекле датага район җитәкчелеге исеменнән истәлекле бүләккә лаек булып, тормышларында иң шатлыклы көннәрен бәйрәм итәргә юнәлде. Гражданлык актларын теркәү бүлеге җитәкчесе Зөлфия Фәррахова сүзләре буенча, узган елда районда 171 туй булган. Бер ел эчендә 315 сабый дөньяга аваз салган - бу чын мәгънәсендә тууның иң югары күрсәткече! Бүлек мәгълүматлары буенча, районда мондый күрсәткеч инде 15 ел дәвамында теркәлмәгән! Әлеге факт сөендерми калмый. Сүз уңаенда, иң өлкән әтигә 57 яшь тулган, ә иң яшенә исә - 19, иң өлкән әнигә - 44 яшь, иң яшенә - 17. Яңа елда да сабыйлар туу һәм никахлашулар саны югары булыр дип ышанып каласы килә.