Бәйрәкәтамактан Фәйрүзә оста куллы хуҗабикә

Андыйлар турында: "Куллары алтын" диләр. Йон да җегерли ул, оек-бияләй, башлык-кофталар да бәйли. Кирәк булса, авыл сәхнәсеннән чыгыш ясау өчен ансамбльгә үзе костюмнар да тегә. Пешергән бәлеш-бавырсаклары телеңне йотарлык. Йорт кошлары, мал-туар асрау белән бергә, җәмәгать эшен дә алып барырга вакыты җитә. Ул авыл ветераннар советы рәисе һәм үзешчән ансамбль җитәкчесе.