“Добрый телефон” акциясе дәвам итә

Шуны исегезгә төшерәбез, "Добрый телефон" республика шәфкатьлелек акциясен уздыруның төп максаты - өлкән яшьтәге ялгыз кешеләргә, махсус мобиль җайланмалардан файдаланып, бер төймә ярдәмендә ашыгыч хезмәтләрне (ашыгыч медицина ярдәмен, гадәттән тыш хәлләр министрлыгы бүлеге хезмәтен, полицияне) чакыру мөмкинлеген бирү. Тәҗрибә шуны күрсәтә, өлкән яшьтәге кешеләрнең "тревогалы төймә"ле телефоннарны куллану ялгыз пенсионерларның сәламәтлекләренең кискен начараюы аркасында булучы бәхетсезлекләрнең һәм криминаль очракларның санын киметергә ярдәм итә.