Экология министрлыгы хезмәткәрләре автомобильләребезне йорт яннарында калдырырга чакыра

Алар үзләре дә "Автомобильсез көн" Бөтендөнья акциясе кысаларында, 22 сентябрь көнне, эш урыннарына җәя, велосипедта, җәмәгать транспортында барган. Әгәр тәүлек саен бер машинаның атмосфераны уртача 5-6 килограмм пычрак матдә белән зыянлавын исәпкә алсак, акция узган көнне мондый зарарлы матдәләр 300 тоннага кадәр азрак тарала, дип хәбәр иттеләр ТР Экология һәм табигый байлыклар министрлыгының Ык буе территориаль идарәсендә.