“Иң яхшы мәктәп китапханәсе – 2015” республика конкурсында ютазылылар өченче урынны алды

Бәйге 25 августтан 25 октябрьгә кадәр республиканың иң яхшы китапханәләре эш тәҗрибәсен ачыклау һәм өйрәнү максатында үткәрелде. Эксперт комиссиясе әгъзалары урыннарга барып китапханәләрдә балаларга, педагогларга һәм әти-әниләргә мәгълүмати-библиографик хезмәт күрсәтүне оештыруны, китапханәне үстерү программасын тормышка ашыруны һәм китапханә фондын тулыландыруны һәм башкаларны өйрәнделәр. Безнең районның Урыссудагы 3 санлы мәктәп китапханәсе (директоры Лилия Таһирова, педагог-китапханәче Татьяна Гарифуллина) өченче урынны алды.