Уруссу балалар иҗаты үзәгендә “Кышкы бизәкләр” бәйгесе узды

Конкурста 35 бала катнашты. Алар кышны рәсемнәрдә зур теләк белән тасвирлады, аппликацияләр һәм төрле әйберләр ясады. Алар өчен бу буяулар теле аша әйләнә-тирә дөнья белән соклануның менә дигән мөмкинлеге дә булды.

Рәсем төшерү сәләтенә матурлыкны күрә, тоя һәм истә калдыра белгән кешеләр ия. Психологлар күзәтүе буенча, сурәтләү балаларга шатлык өстәп кенә калмый, фантазияләрен дә үстерә, кире эмоцияләрен дә бетерә, үзләренә ышанычны да арттыра. Рәсем төшерү ысулларының һәм файдалылнган материалларның төрлелеге балаларда оригиналь идеяләр тудыра һәм теләгән нәтиҗәләргә ирешергә мөмкинлек бирә.