Димтамак авылы халкы бер мең агач утыртырга уйлый
Бүген Димтамак авылы халкы да агач утырту өмәсен башлап җибәрде. Бюджет оешмалары хезмәткәрләре Димтамак авылы үзәгендә 170 төп нарат утыртты. Әлбәттә, эш барышында алар, санитар-эпидемиологик вәзгыять шартларында, куркынычсызлык таләпләрен дә үтәргә онытмадылар. Кулларына резин перчаткалар кигән һәм йөзләрен битлек белән каплаган хатын-кызлар үзара дистанция калдырырга да онытмады.
- Агач утырту буенча айлык дәвамында мондый өмәләрне Тарлау, Екатериновка, Яссытугай авылларында да оештырачакбыз. Барлыгы бер мең данәгә якын яшь үсентеләр утыртуны күз уңында тотабыз, - дип хәбәр итте Димтамак авыл җирлеге башлыгы Илгиз Сәлямов.
Илмира ГАЛИЕВА, автор фотолары
Следите за самым важным и интересным в Telegram-каналеТатмедиа
Нет комментариев