Ютазы таңы
  • Рус Тат
  • Габбас һәм Фатыйма Мияссәровларны район загсы котлады

    Габбас һәм Фатыйма Мияссәровлар бергә тормыш итүләренең 60 еллыгын билгеләп үттеләр: аларны тантаналы көннәре белән загс бүлеге начальнигы Зөлфия Фәррахова котлады.

    Иске Урыссу авылында туып үскән Габбас Хөснулла улы кыю егет була. Нәрсә ниятләсә, шуңа ирешә. Үзенең күзе төшкән кыз артыннан да ике ел йөри. Аның Фатыймасы яшьтәшләреннән йөзгә чибәрлеге, холкының күркәмлеге белән аерылып тора. Күп сөйләшми, хезмәт сөючән була. Акбаш авылында туып үскән кыз "Лаеш шулпасын аз чөмерми" - колхоз тормышының авырлыкларын татый, ачлыктан башлары әйләнгән чаклары була. Соңыннан Московка бистәсе предприятиеләренең берсенә эшкә урнаша, фатирга аны Әбсәләмдә яшәүче әбиләрнең берсе кертә, аннан ул күрше Московкага йөреп эшли. Габбас исә кызны күз уңыннан югалтмый. Егетнең нык торуы үзенекен итә - кыз йөргән егетен калдырып, Мияссәргә кияүгә чыга. Фатыйманы үзенә карату өчен Габбас нинди сүзләр тапкандыр, бу гаилә сере, белмибез. Ничек кенә булмасын, кыз кияү артыннан сигезенче гаилә әгъзасы булып ул яшәгән йортка атлый.

    Фатыйма апа сүзләре буенча, алар фатирдан-фатирга озак йөриләр. Фатир алырга да мөмкин булыр иде, тик Габбас "хөкүмәт фатирларын" яратмый. Соңыннан Урыссу бистәсендә зур булмаган йорт сатып алалар, янына яңасын төзиләр, биш бала тәрбияләп үстерәләр. Фатыйма апа күп еллар дәвамында Урыссудагы буровой япмалар цехында тегүче-мотористка булып эшли, шуннан пенсиягә дә чыга. Габбас ага Урыссу руда булмаган материаллар предприятиесендә алдынгы бульдозерчылар исәбендә була. Сәламәтлекләре хәзер, әлбәттә, мактанырлык түгел. Яшьләре үзенекен итә: Фатыйма апа 1932 елда туган, Габбас ага - 1929 елда. Ул вакытта бу елларда кычкырып елап туган балалар, сугышның үз чоңгылына картын да, яшен дә тартып алуын, кешенең иң изге хисләрен таптпап-түбәнсетүен белә алмый әле. Мияссәровлар яшәргә көч таба һәм бүгенге көндә түземлелек һәм тормыш зирәклеге үрнәге булып гомер кичерә. Бу сыйфат илебезнең өлкән буыны вәкилләре арасыннан күпләргә хас.

    Фатыйма апа бүләк ителгән чәчәкләр хуш исен сулау өчен йөзенә якын китерде - алардан җәй исе килә иде. Өлкән яшьтәге гаилә парының җанын әлеге чәчәкләр гөлләмәсе һәм зур булмаган бүләк аз гына булса да җылыткандыр, дип ышанасы килә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: