“Һөнәр” иншалар һәм рәсемнәр конкурсы уздырыла

Конкурс эшче һөнәрләрнең үзенчәлеген һәм аларның киләчәктәге перспективаларын ачып бирүгә юнәлтелгән. Бәйгедә Россия мәктәпләренең 7-9нчы сыйныф укучылары һәм урта һөнәри белем бирү йортлары студентлары катнаша ала. Иҗади эшләрне 10 марттан 3 апрельгә кадәр worldskillsrussia.org сайтының әлеге конкурс турындагы махсус сәхифәсенә җибәрергә кирәк. Конкурс комиссиясе аларны 3-24 апрельдә бәяләячәк. Катнашучыларга "Хыялымдагы һөнәр", "Һөнәрилек: осталык, уңыш яки илһам?", "Эшче һөнәре: фантастика чигендәге киләчәк" темалары тәкъдим ителә.

Җиңүчеләргә истәлекле бүләкләр тапшырылачак һәм үз эшләрен августта Бразилиянең Сан-Паулу шәһәрендә уздырылачак WorldSkills Competition-2015 чемпионатында Россиянең заявка делегациясе составында тәкъдим итү мөмкинлеге тудырылачак, диелә ТР Мәгариф һәм фән министрлыгы матбугат хезмәте хәбәрендә.

Конкурс турында тулырак мәгълүмат белән worldskillsrussia.org сайтында танышырга мөмкин.