Ютазы таңы
  • Рус Тат
  • Сәламәтлек сукмагы буйлап

    Ютазы авылындагы педагог-ветеран Сания Әхмәтҗанова үрнәген сәламәт яшәү рәвешен хуплаган шактый кеше хуплады. Шушы көннәрдә район гаммәви мәгълүмат чаралары вәкилләренә дә урман буйлап җәяү йөрүдә катнашу бәхете елмайды.

    Бәхеткә, һава торышы кояшлы, мондый төрдәге чараларда катнашуга кулай булды. Башта аяклар белән берничә чакрым атлау нәрсә инде ул, дип уйлаган идем! Әмма сәламәтлек сукмагы ул кадәр шома булып чыкмады: кар көртләре алга таба барырга ирек бирмәде. Инде яшь кызлар булмаган катнашучыларның җитез хәрәкәтләренә карап, алардан калышасы килмәде. Гаделлек өчен шуны билгеләргә кирәк: сукмакны җиңү чарасызлык булып тоелмасын өчен арыганнарга кырыйда гына чанага җигелгән бизәлгән ат бара иде. Әмма сукмакта андыйлар табылмады. Элек биология укытучысы булып эшләгән Земфира Гыймаева, оныклары Камилә һәм Әминә белән Ютазы авылы ветераннар советы рәисе Фәния Әхмәтшина, күп еллар дәвамында хисапчы булып эшләгән, ә бүген лаеклы ялга чыккан үсмер оныгы белән Галия Биккулова, район хатын-кызлар советы рәисе Наилә Хөснетдинова һәм башкалар саф, бигрәк тә урман һавасының сәламәтлеккә йогынтысын бер тавыштан хупладылар. Теләсә нинди һава торышы булганда да - җәйге вакыт булсынмы яисә кышкы чормы алар 4-5 чакрымнан алып 12 чакрымга кадәр юл үтәләр икән. "Кислород бөтен организмны шифа белән тәэмин итә, авырулар хәрәкәт итү теләге алдында артка чигенәләр, - дип уртаклашалар алар үз тәэсирләре белән. - Ару сизелми. Киресенчә, энергия, ниндидер күңел күтәренкелеге аласың. Һәм туйга әзерләнгән кызлардай тезелеп баскан ак күлмәкле каеннар бу урында нинди дә булса аномалия юклыгы турында сөйли, мондагы җир һәм һава экологик яктан чиста.
    "Картлык мине өйдә очратмас, мин юлда..." - дигән сүзләр бар бер җырда. Ә бит чынлап та, әлеге хатыннар үзләренең биологик яшьләреннән күпкә яшьрәк булып күренәләр. Башка ютазылыларга да әгәр дә алар авырулардан арынып, рухи күтәренкелек алырга теләсәләр, сәламәтлек сукмагына басарга вакыт.

    Нравится
    Поделиться:
    Реклама
    Комментарии (0)
    Осталось символов: