Ютазы таңы
  • Рус Тат
  • Татарстан Президенты «Союзмультфильм» башлыгы хезмәттәшлек турында сөйләште

    Былтыр Әлмәттә «Союзмультфильм» киностудиясе белән берлектә оештырылган анимация мәктәбе ачылды.

    «Татар-информ». Бүген Татарстан Республикасы Президенты Рөстәм Миңнеханов «Союзмультфильм» киностудиясе идарәсе рәисе Юлиана Слащева белән очрашты.

    Алар Татарстан Республикасы Хөкүмәте Йортында очрашуда уртак проектларны гамәлгә ашыру турында фикер алыштылар. Бу турыда Татарстан Президентының матбугат хезмәте хәбәр итте.

    2020 елның сентябрендә Әлмәттә «Союзмультфильм» киностудиясе белән берлектә оештырылган анимация мәктәбе ачылды. Уку йортында балаларны мультфильмнар булдыру нигезләре һәм компьютер анимациясе мөмкинлекләре белән таныштыралар. Бу елга планнар — яңа белем бирү курсларын, шул исәптән онлайн-курсларны эшләтә башлау.

    Элегрәк «Спорт һәм социаль проектлар дирекциясе» КБАО һәм «Союзмультфильм» киностудиясе спорт һәм сәламәт яшәү рәвеше турында мультипликацион сериал булдыру турында килешкәннәр иде. Яңа мультсериал геройлары — ГТО талисманнары. Барлыгы 52 серияне чыгару планлаштырыла.

    Моннан тыш, 2020 елның декабрендә «Казан Кремле» музей-тыюлыгының «Манеж» күргәзмәләр залында «Союзмультфильм» киностудиясе белән берлектә әзерләнгән «Чыршылар кабынганда» күргәзмәсе ачылды.

     https://tatar-inform.tatar/news/official/18-02-2021/tatarstan-prezidenty-soyuzmultfilm-bashlygy-hezm-tt-shlek-turynda-s-yl-shte-5807414

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: