Ютазы таңы
  • Рус Тат
  • Урыссу гимназиясе укучылары “Болгар – Туган тел” лагеренда ял иттеләр

    Урыссу гимназиясе укучылары "Болгар - Туган тел" лагеренда ял итеп кайтты.

    Креатив һәм кызыксынучан балаларны үзенә дәшкән лагерь тормышы төрле экскурсияләргә, мастер-классларга, эчтәлекле очрашулар һәм концерт-тамашаларга бай булган. Аның һәр көне үз темасына ия булган - Мәгариф көне, Мәдәният көне, Массакүләм батбугат чаралары көне... Туган телне белмәгән кешеләргә дә татар телен өйрәнү өчен менә дигән шартлар туган. Татар халкының мирасы, тарихи һәм мәдәни үзәге булган Болгар шәһәренә кылынган сәяхәтне, мөгаен, безнең балалар беркайчан да онытмас, дип хәбәр итә гимназия укытучысы Зилә Гарифуллина. Сүз уңаеннан, республиканың Мәгариф һәм фән, Яшьләр эшләре буенча, спорт һәм туризм министрлыклары оештырган "Болгар - Туган тел" лагеренда Россиянең төрле почмакларыннан килгән 500 артык укучы ял иткән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: