Ютазы таңы
  • Рус Тат
  • Ютазы авылының Колхоз урамы үз бәйрәмен оештырды

    Ютазы авылының Колхоз урамы авыл җирлеге советы һәм авылның мәдәният хезмәткәрләре тарафыннан оештырылган үз бәйрәмен оештырды.

    «Есть улицы центральные, высокие и важные, с витринами зеркальными, с гирляндами огней. А мне милей нешумные, милей одноэтажные, от их названий ласковых становится светлей…», - дип җырлый Юрий Антонов. Мөгаен ул авыл урамнарының күркәмлеген белгәндер, чөнки нәкъ менә алар аеруча уңайлы, җыештырылган була.

    Ютазы авылының Колхоз урамы да шундыйлардан. Бәйрәмгә җыелган авылдашлары алдында чыгыш ясаган Ютазы авыл җирлеге башлыгы Рәмзия Хәкимова әлеге фактны билгеләп үтте. Ул шулай ук урам барлыкка килү тарихын сөйләде, элек урам Базар урамы дип аталган.

    Колхоз урамы һәрвакыт авылның үзәк урамы дип саналган.

    Бүген бу урамда сиксәннән артык кеше яши. Биредә озак яшәүчеләр бу урамда беренче сабый булып Рафаил Шәрипов тууын раслыйлар, ул хәзер Тукай урамында тора. Ул да беренче урамының бәйрәменә чакырылган. Ә урамның иң хөрмәтле кешесе - хезмәт ветераны, Ютазы авылы мәдәният йортында эшләүче «Ветеран» клубы әгъзасы, актив үзешчән сәнгатьтә катнашучы 85 яшьлек Амаль Садыйков, дип санап китте ветеранның яхшы сыйфатларын авыл мәдәният йорты директоры Әминә Шакирова. Агымдагы ел юбилярлары арасында ул шулай ук 75 яшьлек Саҗидә Бизанова, Александра Юртаева исемнәрен атады. Юбилярлар арасында әлеге урамның кечкенә яшәүчеләре, биш яшьлек Аделина Галимова һәм Диана Фәрхетдинова да бар. Исемнәре аталган юбилярларга истәлекле бүләкләр тапшырып, җирлек башлыгы алар адресына иң матур теләкләрен җиткерде. Бу кичтә күп хөрмәтле затларның исемнәре аталды. Алар - Мөкъсин һәм Альбина Вәлиевлар - ТРның атказанган мәдәният хезмәткәре, "Ютазы йолдызлары" халык бию ансамбле җитәкчесе Минзилә Абдурахманованың әти-әнисе. Шулай ук өчтән алып биш балага кадәр тәрбияләп үстергән тол хатыннар Салиха Әхмәтова, Гарвия Мусина, Хәбирә Бәдриева, Салиха Сахметова, Тәгъзимә Шәйдуллина, Сәлимә Авзалова.

    Юбилярлар, барлык урамда яшәүчеләр һәм кунаклар өчен җырлар башкарылды, "Ютазы йолдызлары" ансамбле биеде. Өлкәннәр һәм балалар призлы ярышларда катнашты, тәмле тәбикмәк, татлы ризыклар белән чәй өстәле әзерләнде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: