Ютазы таңы
  • Рус Тат
  • Төркиядә ял иткәндә Уфа укытучысын машина таптаган

    Исерек ир-ат авария ясаган һәм турист хатынга дәвалану өчен акча да түләми.

     

    Уфада яшәүче өлкән яшьтәге Анна Ивановна Төркиядә ял иткәндә фаҗигагә очрый. Ул кызы Ольга белән ял итәргә килә. Отпускның икенче көнендә үк Анна Ивановнаны машина таптый һәм ике тапкыр катлаулы операция ясыйлар. Ул өч атна төрек госпиталендә ята. Бу турыда «Башинформ» хәбәр итте.

    Элек укытучы булып эшләгән ханым Бодрум шәһәренә бара. Аны бәрдереп киткән машинаның йөртүчесе исерек була, ул авария урыннан качып китә.


    Анна Ивановнаның кызы сүзләренчә, авария ясаган кеше җаваплылыктан качарга маташа, ул госпитальдәге чыгымнар өчен дә түләми. Башта бу сумма 70 мең доллар була, аннары хастаханәдә ташламалар ясыйлар һәм сумма 30 мең долларга кала. Ләкин авария китереп чыгарган ир-ат бу акчаны да түләми, ул акчасы юк дип әйтә.

    «Безне көч-хәл белән хастаханәдән чыгардылар. Мин өч ай эчендә бу акчаны үзем яки гаепле кеше түләячәк дигән документка кул куйдым. Хәзер без госпиталь янында фатир арендалап торабыз. Атнасына өч тапкыр реабилитациягә йөрибез. Әле тагын операция булачак. Бу акчаларны мин битараф булмаган кешеләр ярдәме белән түлим», — дип яза Анна Ивановнаның кызы социаль челтәрләрдә.

    Алар 25 ноябрьгә — Анна Ивановнаның юбилеена кадәр — туган илгә кайтырга җыена.

    Авариядә зыян күрүчеләр документлар җыеп, судка мөрәҗәгать иткән. Тик адвокатлар бу эшләр 2-4 ел дәвам итәргә мөмкин булуын искәртә. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: