Ютазы таңы
  • Рус Тат
  • Булачак солдатларны чыдамлыкка тикшерү

    Армиягә чакырылучы көне районда гадәттәгечә спартакиададан башланып, "Восток" сәүдә-күңел ачу комплексында тантана белән тәмамланды.

    Көзге чакырылыш вакытында Россия Армиясе сафларын 42 ютазылы тулыландырачак. Бүген алар "Энергия" стадионында китәр алдыннан үз әзерлекләрен тикшерә алдылар. Монда үсмерләр үз арасында җиңел атлетиканың дүрт юнәлешендә ярыштылар. Турникта күтәрелүдә Динар Дусаев иң яхшы булды, Андрей Ромашов икенче урынны яулады, Рамис Гәрәев - өченче. Айдар Салихов урыннан сикерүдә иң яхшы нәтиҗә күрсәтте, Илһам Шәмсуллин аңардан аз гына калышты. Рамис Гәрәев шулай ук өченче урынга лаек булды. Кечкенә тупны атуда Айдар Салиховка тиңнәр булмады - сикерү нәтиҗәләре белән бергә ул ике беренче урынны яулады. Илһам Шәмсуллин шулай ук икенче урынга лаек булды, Фәрух Галләмов - өченче. 400 метр ераклыктагы дистанцияне узуда Рөстәм Хәлимуллин беренче булды. Азат Гайнанов финишка икенче булып килде, Евгений Скворцов - өченче.

    Спартакиададан соң егетләр тулы составта аларны әзерләгән табыннар һәм мактауга лаеклы кунаклар көткән "Восток" сәүдә-күңел ачу комплексына юл тоттылар. РФ Дәүләт Думасы депутаты Ришат Әбубакиров, район башкарма комитеты җитәкчесе вазифаларын башкаручы Андрей Подовалов, Баулы һәм Ютазы районнары хәрби комиссары Илшат Халитов һәм башкалар хәрби хезмәткә чакырылучыларга тәбрикләү һәм үгетләү сүзләре белән мөрәҗәгать иттеләр. Соңгысы, сүз уңаенда, кайбер армиягә китүчеләргә зарыгып көткән повесткалар тапшырды. Аңа һәм Дәүләт Думасы депутатына китүчеләр сораулар бирде. Акчалата тәэмин итүгә килгәндә, быел ул сизелерлек- бер айга өч йөз кырык сумнан ике мең сумга кадәр арткан (ә Севастопольгә хезмәт итәргә эләгүчеләр исә 12 мең сумга кадәр акча эшлиячәк). Һәм, элеккечә, Татарстаннан булган хәрби хезмәткә чакырылучыларның туганнары һәм якыннары белән мобиль телефон аша аралашу мөмкинлекләре булачак, аны исә аларга хәрби хезмәткә чакыруның терәк пунктында тапшырачаклар. Моннан тыш, хәрби хезмәт тәмамланганнан соң, призывник югары уку йортына һәм урта махсус уку йортына беренчел укырга керү хокукына һәм элек укыган уку йортында белем алу хокукына ия булачак.

    Хәрби хәрәкәтләрдә катнашучылар - Бөек Ватан сугышы ветераны, Курск дугасы янындагы сугышта катнашкан Миңнебай Миңнекаев, Чечняда һәм Әфганстанда хәрби хәрәкәтләрдә катнашкан Ринат Кадыйров һәм яшьрәк, әмма шулай ук кыю буын вәкилләре - Чернобыль АЭСында авария нәтиҗәләрен бетерүдә катнашкан Андрей Смоленцев һәм "Батырлык Ордены" иясе Марат Гыйльметдинов Армия сафларына китүчеләргә үтә дулкынландыргыч чыгыш белән мөрәҗәгать иттеләр. Әлеге арттырусыз әйткән геройлар - сугыш чорының бөтен авырлыкларыннан хәбәрдар булып, дуслыкның, туган һәм якыннарның яратуларын кадерләп яшәргә өйрәнгән кешеләр. Иптәшләрне һәм сугыш кырларында бөтен һәлак булучыларны зал тынлык минуты белән искә алды.

    Элек район мәдәният йортында эшләп, хәзер хәрби хезмәткә чакырылучы егет дулкынландыргыч җырында ата-аналарга догада булырга чакырды. Илдар Әхтәмовның чынлап та көчле, моңлы тавышы, мөгаен, армиянең мәдәни тормышында үз урынын табар. Хәрби хезмәткә китүчеләргә көн дәвамында музыкаль бүләкләр тәкъдим иткән мәдәният йорты артистлары Илдарны зарыгып көтәчәкләренә ышандырдылар. Тантана ахырында спартакиадада катнашучыларны Андрей Подовалов котлады. Ул җиңүчеләргә Мактау грамоталары, бүләкләр тапшырды һәм аларга хезмәт иткән чорда уңышларга ирешүләрен теләде.

    Нравится
    Поделиться:
    Реклама
    Комментарии (0)
    Осталось символов: