Карт тупыллар искергән

Эшләрне "Урыссу төзекләндерү һәм яшелләндерү предприятиесе" МУП башкара. Урыссу бистәсендә кешеләрнең тормышларына куркыныч янаган 45 агач киселгән. Бәйрәкәдә 18 тупыл, Ютазы авылында - 19 һәм Ташкичүдә бер агач киселгән. Биеклектә эшләрне башкару өчен район җитәкчелегенең ярдәме белән җирле бюджет акчаларыннан автогидрокүтәргеч сатып алынган. Әлеге эшләр дәвам итә, дип хәбәр иттеләр инфраструктура үсеше буенча бүлектә.