Ютазы таңы
  • Рус Тат
  • Нуриев - хуҗалыкларда

    Чәршәмбе көнне район башлыгы вазифаларын башкаручы Р. Нуриев агросәнәгать предприятиеләрендә булды.

    Район авыл хуҗалыгы һәм азык-төлек идарәсе начальнигы А. Гайнетдинов озатуында Рөстәм Мидхәт улы "Заря", "Уңыш", "Таң", "Игенче" агроколлективларының кырга чыгарга әзерлекләренә бәя бирде. Беренче өч хуҗалыктагы ремонт барышы канәгатьләнерлек дип табылса, игенчелеләргә тракторларны хәзерлек сызыгына куюда темпны арттыру киңәш ителде. Р. Нуриев орлык складлары торышы белән танышты. Чәчү материалын һавада җылыту башлануыннан канәгать калган Рөстәм Мидхәт улы, складларның чиста һәм тәртиптә саклануын билгеләп үтте. Сүз уңаенда, район башлыгы вазифаларын башкаручының трактор һәм тагылма агрегатларга техник карауда катнашу ихтималы да бар.

    Нравится
    Поделиться:
    Реклама
    Комментарии (0)
    Осталось символов: