Пособиеләр күләме арта

"2012 елга һәм 2013-2014 планлы елларга федераль бюджет турында"гы 371 санлы Федераль законга ярашлы, быел балалар пособиеләре 1,06 коэффициентына индексацияләнә. Шулай итеп, бала туганда бер тапкыр түләнүче пособие - 12 405 сум, иртә сроктагы йөклелек белән учетка баскан өчен пособие - 465 сум, беренче баланы яшь ярымга кадәр караганга ай саен түләнүче пособие - 2326 сум, ә икенче һәм аннан соңгы сабый өчен пособие 4651 сум тәшкил итәчәк, дип аңлаттылар социаль иминиятләү фондында.